#علی_ع

سینه زنی ضرب دار /علی ع زبانحال زینب

🔹🔹🔹🔹🔹🔹🔸🔸🔸🔸🔸🔸⚫️⚫️

خبر بمو از مسجد کوفه بابا غرقه خون بهیعه /بابا غرقه خون بهیعه
جبرئیل ندا هدا از سماء علی لاله گون بهیعه/ علی لاله گون بهیعه
مه دل بیه پاره پاره / من شه پی یره بلاره
اسا سر هادم صداره / بووم شه سره بلاره

بابا ته کیجا بمیره / توسه عزا نعیره
➖➖➖➖➖➖➖✔️✔️✔️✔️

آ جان برار بور سمت مسجد بابا ره شمشیر بزّونه / بابا ره شمشیر بزّونه
چچی بهووم کیجا بمیره امه دل ره تیر بزّونه / امه دل ره تیر بزّونه

چنده غم بدیعه بابا / از دس نامردون دنیا
بدیعه بخرده سیلی / امه مار حضرت زهرا

بابا ته کیجا بمیره / توسه عزا نعیره
➖➖➖➖➖➖➖➖✔️✔️✔️✔️


آه خدا مه دل چنده غم دره بابا ته کیجا بمیره / بابا ته کیجا بمیره
چتی بوینم ته زخمه سر ره بابا ته کیجا بمیره / بابا ته کیجا بمیره

ته غم کناره نبونه / این مشکل چاره نبونه
دل مگه سنگ هسه یارون / چه وسه پاره نبونه

بابا ته کیجا بمیره / توسه عزا نعیره

➖➖➖➖➖➖➖➖➖✔️✔️✔️✔️✔️✔️

جمع هاکرده پی یر شه عزیزون آه ته وسه من بمیرم / آه توسه من بمیرم
وصیت هاکردی تک تک شه وچون آه توسه من بمیرم / آه توسه من بمیرم
بتی زینب خاره کیجا / برمه نکن ته مه عزا
خدا دونده بیمه راحت / از رنج و غمِ این دنیا

بابا ته کیجا بمیره / توسه عزا نعیره

➖➖➖➖➖➖➖➖➖➖✔️✔️✔️✔️


مره یاد بمو اوندم که صدا یزّوئی شه گل یاس ره / بزوئی شه گل یاس ره
بخواه بعی ته لحظه آخر شه جان پسر عباس ره / شه جان پسر عباس ره

بعوتی عباس مه ریکا / سفارش دارمه تنه جا
جان ته وا جانِ حسین / وقتی که بوردی کربلا

بابا ته کیجا بمیره / توسه عزا نعیره

➖➖➖➖➖➖➖➖✔️✔️✔️✔️✔️✔️

ای خدا (صفا )دارنه آرزو کربلا ره ای بوینه / کربلا ره ای بوینه
بوره القمه سقای حسین رشادت ره بوینه / ونه قوره خش دچینه

سر دمبه هردم من صدا / من جان بووه شمه فدا
یاعلی مه دس ره بعیر / شمه جه نواشم جدا

بابا ته کیجا بمیره / توسه عزا نعیره

شاعر قاسم جناتیان قادیکلایی
تقدیم به برادر حسین تبار


.