#مناجات

مناجات زبان طبری
🌹🌹🌹🌹🌹🍀🍀🍀🍀🌺🌺🌺

ای خدا عبده گناهکار بموعه در وا هاکن
پشیمون بهیعه از کار بموعه در وا هاکن
ته شه بتی اُدْعونی بوویم نا امید نکندی
هارش که با چه حال زار بموعه در وا هاکن
دومبه مه گناه خله سنگینه ای جان خدا
نوکرِ حیدر کرّار بموعه در وا هاکن
انده ته مهربونی با این همه جرم و‌گناه
خاطره رحمت دادار بموعه در وا هاکن
مه گناه اندای کوهه عفو ته بی شماره
اِرْحَمی بندهٔ شرمسار بموعه در وا هاکن
یوسف از بی گناهی دکِته چاه من از گناه
نَجّنی که با دلِ زار بموعه در وا هاکن
اگه مه پرونده سیوهه ببخش حق مولا
(صفا) عشق آل اطهار بموعه در وا هاکن
شاعر قاسم جناتیان قادیکلائی