اشعار

🌷🌷🌷🌷🌷🌷🌷🌷🌷🌷🌷🌷➖➖➖➖✔️✔️✔️

دتا چش نم بیته دریا بهیعه / خدا داد از غریبی
غریب ولایت جفا بهیعه/

کل ارضٍ کربلا بیّه معنا/
شهید حججیِ سر بیّه جدا/

داعشی شمر این دوران بهیعه/
محسن هم حسین زمان بهیعه/

بورده تا دین و حق ره یار بواشه/
حرم و مظلوم ره پاسدار بواشه/

بورده تا داعشی نابود بواشه/
ریشه کن بدتر از یهود بواشه/

مسیر عشق همآن دریای خونِ/
سرِ از تن جدا ونه نشونِ /

برار من ته شهامت ره بگردم/
ته صبر و استقامت ره بگردم/

ته سر بیّه جدا تسّه بمیرم/
بزّوئی دس و پا تسّه بمیرم/

حتما زوئی صدا تسّه بمیرم/
شهید کربلا تسّه بمیرم /

ته راه خدا دونده با افتخاره/
برار ته اون خسّه تنِ بلاره/

بوردی هرگز ته زحمت گوم نبونه/
هرچی بووم ته زاری توم نبونه/

ته بعی کشته چون شاه شهیدون/
سرِ از تن جدا شهید قرآن /

صفا راه شهیدون افتخاره/
سلام هاده شهیدون خداره/

شاعر قاسم جناتیان قادیکلایی