اشعار

تقدیم به روح خواهر تازه در گذشته ام

➖➖➖➖➖➖➖➖✔️✔️✔️✔️

مه دل بشکسّه چش وارنه تسّه
داغ بدی ماره جور نالنه تسّه

دلِ ارمون بوردی دل ره بوردی
چتی زار نزنم صدمه بخردی

مره گمون نیّه اینجور بمیری
انده زود شه قوره کشه بعیری

ته دل پاره بیّه بشکسّه مه دل
خوندمبه توسّه منزل به منزل

کی ره بووم چنده صدمه بخردی
اتّا عمر بَتِته راحت نکردی

جوون بی مثل مرد بوردی سرِکار
کمک بهووی تا شه پی یرو مار

تاریک شو راه کته هاکنی کار
اتا مردِ واری نداشتی ته عار

تازه بورده شیر دکفه پلاره
خاخر بورده سفر دل بیّه پاره

خاخر ته شه دل ره یک جمع هاکردی
اماره دل دریوی غم هاکردی

مه ماهِ آسمون بی ته چه بوردی؟
کعو دلِ ارمون بی ته چه بوردی؟

مگر ته دل مارِسّه تنگ بهیته
شیشه واری بخرده سنگ بهیعه

نعوتی بعد ته چی کار هاکنیم
چتی دلِ غم ره کنار هاکنیم

بوردهذنتی احمد بیچاره بونه
مجنون بونه تِسّه آواره بونه

تاریک خنه ره چتی سر کنده(سر بمعنی گذران عمر)
خاک غم ره پشو زنده سر کنده سر بمعنی کله و فرق)

خدا (صفای ) غم دیگر کنار نبونه
مثل خاخر کسی مه یار نبونه

شاعر قاسم جناتیان قادیکلایی