اشعار

پسر دارون آوای خسته دارمه
شه دل داغ گل نورسته دارمه
ته انتظاری مره پیر هاکرده
فکر وخیال مره زنجیر هاکرده
مثل زینب منم گم گشته داشتمه
چند سال ونه داغ ره شه سینه داشتمه
چند سال طیار ومه چش دیه راه
کی انه نعش مه جوون ریکا
یعقوب از هج پسر بهیه کور
مه پسرهم مجه چند سال بیه دور
ازدست برمه مه چش بهیه کور
دل از دوری پسر بیه ناسور
یعقوب سالم بدیه شنه ریکا
اتا میس استخون بیه ما ریکا
ای خدا چنده سخته انتظاری
شب زنده داری و با بی قراری
مه آرزو پسر جان بورده برباد
مثل ام لیلا دل کنده فریاد
منم شه پسر ره نکردمه داماد
بورده مه خاری وعمر بورده برباد
مه نازنین پسر فدا بهیه
شلمچه ونه قتله گاه بهیه
شه دین وکشوره فدا بهیه
مهمان شاه سر جدا بهیه

تقدیم به شهدای گمنام

از قاسم جناتیان قادیکلایی