اشعار

توسه من چش انتظار بهیمه
جمعه به جمعه بی قرار بهیمه
انده توسه چش بکشیمه راه
دیگه بیقراره شه یار بهیمه

برو برو مه زاری توم بواشه
ظلم وستم دنیاجه گم بواشه

🌷🌷🌷🌷🌷🌺🌺🌺🌺🌺❤️❤️❤️❤️🍀🍀🍀🍀🌹🌹🌹

ته شه بتی تسه دعا هاکنم
هنیشم وخدا خدا هاکنم
مظلومون عالم هاکنم بیدار
ته دوست از دشمن جدا هاکنم

برو برو مه زاری توم بواشه
ظلم وستم دنیاجه گم بواشه
🌷🌷🌷🌷🌷🌷🌺🌺🌺🌺❤️❤️❤️❤️❤️🍀🍀🍀🌹🌹🌹

کی بونه مکه جه سر هاده صدا
بهوه من هَسْمِه بقیّت الله
شه عدل وداد دنیاره پر هاکنه
قیام منتقم بهووه برپا

برو برو مه زاری توم بواشه
ظلم وستم دنیاجه گم بواشه
🌷🌷🌷🌷🌷🌷🌺🌺🌺🌺❤️❤️❤️❤️❤️❤️🌹🌹🌹🌹
این جشن امامت تره موارک
رهبریِ امت تره موارک
ته شمشیره انتقام ره بگردم
ته سر تاج عزت تره موارک

برو برو مه زاری توم بواشه
ظلم وستم دنیاجه گم بواشه
🌷🌷🌷🌷🌺🌺🌺🌺🌺❤️❤️❤️❤️❤️🍀🍀🍀🍀🌹🌹🌹🌹
شیعه غریبه وره یاری هاکن
سپاه اسلام هواداری هاکن
دشمن بی رحم ره هاکن تار ومار
مردم مظلوم ره غمخواری هاکن

برو برو مه زاری توم بواشه
ظلم وستم دنیاجه گم بواشه

شاعر قاسم جناتیان قادیکلایی