پند مازندرانی
➖✔️➖➖➖➖➖➖➖➖➖➖➖➖🌺🌺
هرگل وگیاه درده دوا نبونه
هرگل به چلو بچا بچا نبونه
صد تا اذان گو بلال سیا نبونه
صد زنِ غمخوار، تنه ننا نبونه
➖➖➖➖➖➖➖➖➖➖➖🌷🌷
هر سرخِ تی تی گل انار نبونه
هرماهی که ماهه ده وچار نبونه
هر اسبِ سوار که چالبیدار نبونه
صدتا یار داری تنه برار نبونه
،،،،،➖➖➖➖➖➖➖➖➖➖➖➖🌺🌺🌺🌹
هیچ بینجی مثل طارم پلا نبونه
هیچ کس مثل نامرد بیحیا نبونه
هیچ حروله ای مروه صفا نبونه
هیچ درد وبلا مثل ریا نبونه
➖➖➖➖➖➖➖➖✔️🌺🌺🌺
،،،
اسب چموش ره که بی اوسار نبونه
ارزشی طلا که بی عیار نبونه
هیچ کوهی به مثل کوه لار نبونه
هیچ دلی به مثلِ دلِ مار نبونه
➖➖➖➖➖➖➖➖➖➖➖🌺🌺🌺🍀
،،،،
اون دل چه خشه عشق خدا دهووه
اون چش خارکه نور وحیا دهووه
اون تک چه خشه نومه حسین بیاره
اون سر ره هوای کربلا دهووه
➖➖➖➖➖➖➖➖➖➖➖➖🌺🌺🌷❤️
ای جانه برار زظلم کناره هاکن
تا نمو اجل شه درد ره چاره هاکن
پرسش مظالم ، اول ،حق الناسه
ا بخشش بعیری وره بلاره هاکن
شاعر قاسم جناتیان قادیکلایی
کلمات سخت. ...چلو...چاه
بچا بچا ، ،گیاهی که داخل چاه میرویید
تی تی ،،شکوفه
هروله ،،به شکل نیمه دویدن رفتن .کاربرد در صفا ومروه
چموش،،سرکش
بلاره هاکن،،ناز بکش
