روز هفت یا سوم جوان //

➖➖➖➖➖➖➖➖➖✔️
دوست ورفق جمع بوّین بهر خدا/پسر. آه و وا ویلا
عروسی دارمه سرِ قوْرِ ریکا/،،
ماشین گل بزنین شما رفیقا/،،،
بوریم مزار عروسی بوّه برپا/،،،

کی بدیعه عروسی باشه مزار/ پسر آه و وا ویلا
عروسی روز پی یر باشه عزادار/،،،
کی بدیعه ماره تن سیو جمه/،،،
عزا وعروسی هر دِ به یک بار /....

فامیلون شمه همت بلاره/ پسر آه و واویلا
عروسی دارمبه آدرس مزاره /،،،
مه جوون بمرده مه تن نخاره/،،،،
عروسی آرزوی پر و ماره/،،،


ته قوْره سر زمبه حجلهٔ شادی/ پسر آه و واویلا
توسه دوجمبه رخت دامادی/،،
کله قند اِشکندمبه تنه مزار /،،،،
بخته گور پسر با نامرادی/،
طبل وشیپور بیارین ای رفقون/پسر آه واویلا
زنجیر بزنین پسر بیعه جوون
بورده از دنیا دل مشتِ ز ارمون
دنیا مه دل ره دکرده عجب خون


شاعر قاسم جناتیان قادیکلایی