ورود اهل بیت به مدینه زبانحال زینب/اربعین


➖➖➖➖➖➖➖➖➖➖➖➖➖➖✔️
وقتی من کردمه ترک این دیار/داشتمه شه همراه من شش تا برار
مدینه جا بیمومه با وقار/مه برارون بینه منه افتخار

بی برار زینب کبری بموعه
را ه نده مدینه تنها بموعه

➖➖➖➖➖➖✔️
عون وعبدالله وجعفر داشتمه/من ابالفضل دلاور داشتمه
تابرار داشتمه من غم ناشتمه/تاج عزت بینه من سر داشتمه


بی برار زینب کبری بموعه
راه نده مدینه تنها بموعه
➖➖➖➖➖✔️
کربلا من انده بلا بدیمه/مهمون بیمی وجفآها بدیمه
داغ برار وبرار زا بدیمه/نصفه روز این غم وبلا بدیمه


بی برار زینب کبری بموعه
راه نده مدینه تنها بموعه
➖➖➖➖➖✔️
ای مدینه زینب هسه شرمسار/بی برار بموعه شه شهر ودیار
بی حسین زندگی ره خامبه چیکار/شو وزوز مه دل دیگه نارنه قرار


بی برار زینب کبری بموعه
راه نده مدینه تنها بموعه
➖➖➖➖➖➖✔️
مدینه بوین مه آه وافغون ره/خور هاکن مادره شهیدون ره
سوغات سفره مسافرون ره/بوینه این پیرهنه غرقه خون ره


بی برار زینب کبری بموعه
راه نده مدینه تنها بموعه

 

شاعر قاسم جناتیان قادیکلائی