سرود غدیر مازندرانی/سبک هوای دل من حرم کربلاته
🌷🌷🌷🌷🌷🌷🌷🌷🌺🌺🌺🌺🌺✔️
ته عشق دره مه دله سر تا به قیامت
هرکی ته راه ره بعیره بونه هدایت
مسافر ته نومه جه رسنه سلامت
گیر دکفه ونگ هاکنه بونه شفاعت
دس خداعه//چه با وفاعه
شادی هاکنین همه جا عید ولاعه
یا علی حیدر مدد یا علی حیدر
♣️🌷🌷🌷🌷🌷🌷🌷🌺🌺🌺🌺🌺🍀🍀🍀🌹🌹🌹
خم غدیر اطاعت از امره خداهه
علي یه جانشینی و عید ولاعه
هرکه نواشه قائلش شونه جهنم
دل که داره مهره علی چه باصفاهه
عیده غدیره /علی امیره
الهی دس یاری ره مولا بعیره
یا علی حیدر مدد یا علی حیدر
🌷🌷🌷🌷🌺🌺🌺🌺🌺🌺🍀🍀🍀🍀🌹🌹🌹🌹
خدا هاکرده امر نبیِ مصطفی ره
سر نهانی ره بعو ته حاجی ها ره
خم غدیر جمع هاکن ته خلق خداره
دس شه جانشین ره وه بالا بیاره
تکمیله دینه/مه جانشینه
حجت حق وه بعده من روی زمینه
یاعلی حیدر مدد یا علی حیدر
🌷🌷🌷🌷🌷🌷🌷❤️❤️❤️❤️❤️❤️🍀🍀🍀🍀🍀🍀🌺
هرکی ره من آقا ومولامه به دوران
وصی وجانشین من هسه علی جان
دشمن وه دشمن من هسه بدونین
بعین همین خم غدیر دوندین پیمان
نوره هداعه/ولی الله
دشمن نامرد بدونه دسّ خداعه
یاعلی حیدر مدد یاعلی حیدر
🌺🌺🌺🌺🌺🌺🌺🍀🍀🍀🍀🍀🌹🌹🌹🌹
کاشکی شو و روز مدح مولا ره بهووم
جود وکرم ، بخشش آقاره بهووم
من کیمه که قلم بزنم مدح مولا
صبرو رضاو عدلِ مولا ره بهووم
خیبر گشاعه/عبده خداعه
هرکی ندارنه حبّ وه چه بی حیاعه
یاعلی حیدر مدد یا علی حیدر
شاعر قاسم جناتیان قادیکلایی
