روضه عباس ع

الهی نمیره هیچ کسِ برار
غریبه مه مولا
برار بمرد بونه زاروعزادار
غریبه،،،
برار بمردِ چش سو نکنده سو
غریبه،،،
گل ونسه دیگه بونکنده بو
غریبه،،،
برار مرده بونه زار ودربدر
غریبه،،
گنه دیگه بشکسّه منه کمر
غریبه مه مولا
برار بمرده دل شونه کربلا
غریبه،،،
القمه جا انگار که انه صدا
غریبه،،،
برار ب‍َمردِه دل آروم نبونه
غریبه ،،،
هرچی برمه کنده غم توم نبونه،،
غریبه،،،
عباس بلاره باتن صد چاک
غریبه،،،
غرقه خون دکته وه بر روی خاک
غریبه،،
دِتا دس بی‍ّه جدا من بمیرم
غریبه،،
حسین ره زوعه صدا من بمیرم
غریبه،،
عطر وبوی خش از القمه بِمو
غریبه،،
صدا زنده برار فاطمه بمو
غریبه،،،
مِره پسر صدا بزّوهه ته مار
غریبه،،،
خجالت نارِمْبه بهووِم برار
غریبه،،،
آرزو دارمبه در وقت مردن
غریبه،،
مه سر ره بهیری برار شه دامن
غریبه

شاعر قاسم جناتیان قادیکلاییِ