مناجات رمضان
//////
دره رحمت بهیعه وا،،
ماه رمضون بیه پیدا
تا از گناه بووی رها
خداره ته هاکن صدا
یا ربنا یاربنا۲
باره گناه اِنْدایِ کوه
دیگر ندارمه آبرو
ته شه بفرمایی برو
ناله زمبه شه دلِ جا
یا ربنا یا ربنا

اگه مره ته راه ندی
شه خنه مره جا ندی
بهووی بنده بدی
کجه بوره این روسیاه
یا ربنا یا ربنا

راه بهیمه چاه گناه
شه عمره هاکردمه تباه
اسبه بیه می یه سیاه
نجات هاده حق مولا
یا ربنا یا ربنا

گناه کارمه من ولی
مه دل دره عشق علی
مه دل ره هاکن منجلی
الهی حق مرتضا
یا ربنا یا ربنا


شاعر قاسم جناتیان قادیکلایی
تقدیم به برادرم باوند