جوان
سینه زنی

//
الهی هیچ کسی مار نهووه مار پسر
اگه مار بهیعه نووه عزادار پسر
ماره دل شو وروز ندارنه قرار پسر
تاریکه خنه نیشته زنده زار زار پسر

عروسی هاکنم به پا،،بعین پسره رفقا
مجمه بیرین سره بالا،،پسر ته ننا بمیره

،،،،،
شما خوِر هادین دوست ورفقا پسر
عروسی نکرده مه خاره ریکا پسر
مه پسره دستِ دَوِندین حنا پسر
چَکّه بزنین و بزنن سُرنا پسر

عروسی هاکِنِم به پا،،،،،،،

،،،،
الهی هیچ کسِ جوون نمیره پسر
عروسی کناره مزار نعیره پسر
اجل نشته شِوِسّه یار بعیره پسر
الهی پسر تنه مار بمیره پسر


عروسی هاکنم به پا،،،،،،

،،،،،
بی گمون مِوِسّه خَوِر بی یمو پسر
خوِره مرگه مه پسر بی یمو پسر
تیره بلا منه کمر بی یمو پسر
پسر غرقه خون از سفر بی یمو پسر

مصرع آخر اگر مریض بود از بیمارستان آوردند بجاش این مصرع را بخونید
سردخنه جا منه پسر بی یمو پسر

عروسی هاکنم به پا ،،بعین پسره رفقا
مجمه بیرین سره بالا ،،پسر ته ننا بمیره

،،،،.
مه زخمه دل اَتی شونه کربلا پسر

یاد ایارمه حسینِ سره بلا پسر
وقتی بورده کناره نعشه ریکا

پسر
بدیعه ونه تن ره ارباً اربا پسر

،،،
عروسی هاکنم به پا،،بعین پسره رفقا
مجمه بیرین سره بالا،،پسر ته ننا بمیره


شاعر قاسم جناتیان قادیکلایی