اشعار

الهی هیچ کسی مار نَهووِه مار ,,پسر ته ننا بمیره
اگر بَیّه هرگز نووِه عزادار,,,
پسر تِه ننا بمیره
مارِ دل دائم دره فکروخیال,,
پسر ته ننا بمیره
اون مار میرنه جِوون بَهووِه نِخار,,,پسر ته ننا بمیره
پسر ته ننا بمیره,,داغ جوون رِه نوینه
چند وقت بی یه پسر تن داشته نِخار,,,پسرته ننا بمیره
بیمارستون کناربَیّه مِنه کار,,
پسر ته ننا بمیره
مه دل ناشته توِسّه صبروقرار,,,پسرته ننا بمیره
هردم دعا کِردْمِه ته حال بَوّه خار,,پسر ته ننا بمیره
پسر ته ننا بمیره ,,,داغ جِوون رِه نوینه

شِه دل گِتِمه وا ای خاره ریکا ,,,,پسر ته ننا بمیره
درده منه پسر بونه مداوا,,,پسر ته ننا بمیره
ندونِسْمِه تِنه رخت بونه عزا,,,پسر ته ننا بمیره
کهو دل بومبه من در دور دنیا,,,پسر ته ننا بمیره
پسر ته ننا بمیره ,,داغ جوون ره نوینه

اجل مه زاری جه رحمی نَکِرده,,پسر ته ننا بمیره
مه دسته گل ره آخر بورده ,,,پسر ته ننا بمیره
چطی زار نَزِنم صدمه بَخِرده,,,پسر ته ننا بمیره
شه جوونی جه خیری نَوِرده,,,پسر ته ننا بمیره
پسر ته ننا بمیره ,,,داغ جوون رِه نوینه

پسر بوردی نَتی مار بونه تنها,,,پسر ته ننا بمیره
ته جای خالی چه جور کمبه نگاه,,,,پسر ته ننا بمیره
آخر بَیمِه پسر من ام لیلا ,,,پسر ته ننا بمیره
دنیا بی ته مِسّه ندارنه صفا,,,پسر ته ننا بمیره
پسر ته ننا بمیره,,,داغ جوون ره نَوینه

,,, , , ,,,,,,
توسه چنده من سختي بدیمه ننه بمیره
تره گت هاکردمه بهره ندیمه,,ننه بمیره
خدا دونده چنده صدمه بدیمه,,,ننه بمیره
خِروار خِروار غم رِه شه دل دَچیمه,,,ننه بمیره

ماه آسمون ننه بمیره,,دل دَکِته خون ننه بمیره

شه دل گِتمه وا مِه جانه ریکا,,ننه بمیره
فردا روزا پسر بونه مه عصا,,,ننه بمیره
ته قدوبالا رِه کِردِمه نگاه,,ننه بمیره
اجل مه جه خَلِه هاکرده جفا ,,ننه بمیره
گل ونوشه ننه بمیره
مه دله گوشه ننه بمیره

پسر من تِنه اَرمونه بلاره ,,ننه بمیره
بی ته دنیا مه زندون بلاره,,ننه بمیره
کجه بَیرم ته نشون بلاره ,,,ننه بمیره
پسر تِه مستِ چشمون بلاره,,ننه بمیره
درده بی درمون ننه بمیره
دل ها کرده خون ننه بمیره

مگر ته داغ مِرِه بونه فراموش,,ننه بمیره
مه روشن لَمپا بهی یه خاموش ,,,ننه بمیره
داماد نَکِردِمه بهی کفن پوش,, ننه بمیره
مه دل مثل سیرو سرکه دره جوش,,,ننه بمیره
دل کنده فریاد ننه بمیره
نهی ته داماد ننه بمیره

مِرِه یادبِموهه زمستونِ شو ,,,ننه بمیره
نیشت بیمه گرِه سر تره دامه تو ,,,ننه بمیره
تره خو کِردِمه مه دل کِرده تو,,,ننه بمیره
پسر زیر گل ودل بَیّه کهو ,,,ننه بمیره
کم بخته ریکا ننه بمیره
ته شانس کم بیا ننه بمیره

شاعر قاسم جناتيان قاديكلايي