در عزای پدر ◼️◼️◼️◼️◼️◼️✔️✔️✔️♣️♣️


پی یر تک ره توسه خونش انه
مره چنده زاره نواجش انه
لطافت گل از دس ته داشته
ته زحمتها گلها ره تازه داشته
کی ته جور باغبون مظلوم بدیعه
آسایش مردم صدمه بدیعه
ته زحمتها مردم ره یاد نشونه
کاره خیره آدم بر باد نشونه
شه زحمت کش بابای دور بگردم
شلنگ دوش بالای دور بکردم
او دا گل وگیاهه دور بگردم
ِننِه ونه صدای دور بگردم
ته دس پینه دوسه من بنالم
پی یر صدمه بخرده من بنالم
مه ارزش واعتبار بیعه بابا
گل همیشه بهار بیعه مه بابا
ته سوزه سینه وآهه بلاره
پی یر عاشق مولای بلاره
بابا ته دله ارمونه بلاره
آرزو داشتی وچونه بلاره
شه جانه پسر ره داماد هاکنی
شه دسه جا وره دلشاد هاکنی
مه گل بورده زیره گِله بلاره
تنگ بهیعه منه دله بلاره
مسلمانون مه دل ره خون بهیته
اجل بمو نور چشمون بهیته


شاعر قاسم جناتیان قادیکلایی

 

تقدیم به برادرم حاج عباس زمانی