اشعار

بسوته دل دارمه از داغ شه مار //بمیرم منا
ونه زاری انتی نالمبه زار زار/،،،،
عصا ره دس بیرم سونه درویشون/،،،،
ته داغ ره بخونم کوچه خیابون/،،،،
بورم کوه وصحرا بنالم زار زار/،،،،
گم بکردمه مار ره ندارمه قرار /،،،،
مه خنه سو دیگه بهیعه خاموش/،،،
مه دل مثل سیر وسرکه دره جوش/،،
دیگه مه کار بیه جمعه نماشون/.،
بیعم برمه گلی تسه قورستون /...
ته قوره جانه مار بزنم کشه/....
برمه گلی بیمه تن بمو رعشه/،،،
دسته گل بیارم ته قوره کنار/...
مه دل ره غم بیته بمرده مه مار/.،،،
الهی هیچ کسی بی مار نهووه/..
ونه تن مه واری نخار نهووه/...
تاریک خنه ودل نینه آروم/..
ته که دنی روز روشن بونه شوم/...
اسا من بیمه تیناری خنه/..
مره بیستا برمه آخر کشنه/،،
چندروزه ندیمه شه جانه مار ره/...
مه دلتنگ بیته بوین مه زار ره/،،
ته عکس ره المبه طاقچه بالا/،،
برمه برمه ته عکس ره کمبه نگاه//
گمبه کجه بوردی مه دل گوشه/...
کجه بوردی ته مه گل ونوشه/...

تقدیم به داداشم عباسی
شاعر قاسم جناتیان