اشعار

عمه من گِله دارمه از کربلا
کربلا اَمِه سر بیارده بلا

مه دل بی قراره عمه//بوین چنده زاره عمه

رسم مهمونی ره بَلد نعینه
اتّا اتّا لاله ره سر بَوْرینه
مه دل بی قراره عمه/بوین چنده زاره عمه

نخامبه پی یر ره بی یِلِمْ تنها
بمیرم پی یره لب بیعه تشنا
مه دل بی قراره عمه/بوین چنه زاره عمه

مگه او مهریه ء زهرا نیّه
که اونجور وچونا ره تشنا بیّه
مه دل بیقراره عمه/بوین چنده زاره عمه

عمه بوین ته مه تنه کبود ه
عمه چه دشمنونه دل نسوته
مه دل بی قراره عمه/بوین چنده زاره عمه

عمه هنیش مه ور مه دل کبابه
مهربونی با یتیمون ثوابه
مه دل بیقراره عمه/بوین چنده زاره عمه

انده ناله نزن عمه جان وَسّه
انده نزن شه دل رم بهی خَسّه
مه دل،،،،،
مه جان ته بوین لینگه آبله
نتومبه راس بووم بهی مه باله
مه دل،،،،،

انده راه بوردمه صحرای میون
پزغاله بزو لینگه بموهه خون
مه دل،،،،
اتا دم هنیش عمه منه پلی
یاری هاکن بهیر مه لینگه تلی
مه دل،،،
بوین عمه مره کنّه اشاه
گنه پی یر نارنه هسّه یچاره
مه دل،،،،
انده عمه نکش شه سره میره
همه گنّه بعین زینب اسیره
مه دل ،،
عمه امشو باباره بدیمه خو
مره کشه بهیته هداعه تو
مه دل،،،
گته دِتِر ته جه بی خَوِر نیمه
هر کجه شی منم ته همراه دَیمْه
مه دل،،،
مسّه اتی لالا لالا بهوته
گته دتر تسّه مه دل بسوته
مه دل،،
اتی ونه جا درده دل هاکردمه
شه پی یر ره خارِک کشه دَکِردمه
مه دل،،،
جان دِتِر ِ بعو که تره چیيه
ته سره می ره دتر کی بکشیعه
مه دل،،،
بابا دَنی بی مِره چو بزّونه
مه عمه تن ره با لو بزّونه
مه دل،،،
وره بتمه که نوینده مه چِش
مره کشه بَزو چش ره هدا خِش
مه دل،،،
بتمه پی یر مره همراه بَور
بته ورمبه دِتر غصّه نَخِر
مه دل بی قراره عمه/بوین چنده زاره عمه

شاعر اشتراکی ,,,حاج حسین خداپرست
حاج قاسم جناتیان قادیکلایی