زهرا///


میونِ بيت الاحزان ناله اِنه
صداي زن و دِتا وچه انه
اتّا گنه پی یر بووم ته فدا
چند روزه که دیگه ننه ته صدا
وچه گنه جانه مار برمه نکن
ام بسوته دل ره پاره نکن
زهرا گنه بابا من ته بلاره
مره بَوِر بابا دل بيّه پاره
چند روزه که دیگه ننه ته صدا
وقته نماز جانماز ره کمبه وا
ته عصا مه دس تره صدا کمبه
وقته نماز جانماز ره وا کمبه
گمبه بابا زهرا تنها بهی یه
دیگه محنت کشه دنیا بهی یه
یاده اون روز بلال صدا اِمو
نوم محمد رسول الله اِ مو
بابا تن پوشی یه شنه ردا ره
بابا ته دله پر رحمه بلاره
ته که بوردی دشمن بی حیا بیّه
سقيفه دشمنه اردو گاه بیّه
با اجنبي دس بيعت هدانه
ته امت تن به هر نكبت هدانه
مگه نتی مجه رعایت بووه
ته پسر عم جه حمایت بووه
عجب دشمن رعایتی هاکرده
عجب حفظ امانتی هاکرده
بسوزندییه دشمن خنه در
بکشته مه ِاشکم شش ماهه پسر
بابا حرف وسخن مره کشنه
علي دَس رسِن مره كشنه
همش نمازِ سر هسّه مِ دعا
مره خلاص هاكن از دار دنيا

يا فاطمة الز هرا اشفعي لنا عندالله
قاسم جناتيان قاديكلاييِ