بهار فصل عوض شدن

🌹🌹➖🌷🌷➖🌺🌺➖🌸🌸➖🇮🇷🇮🇷

عیدی بیّه دلِ غم ره بَشِن دور
کم هاکن اتی ته شه کبر و غرور

شه خنهٔ دل ره ته جلا هاده
کینه ره دور بشن ته صفا هاده

رفق اگر ته جه هسّه مکدّر
اَتّا شاخهٔ گل ، وِنِسّه بَوِر

دنیا ارزش ندارْنِه کینه دووه
بغض غم ته گلی و سینه دووه

صحرا بهارِ رنگ و بو بهیته
ونوشه بمو صحرا سو بهیته

تی تی شاخهٔ سر بزّو جوونه
ککی دارِ فاکول ره بزّو شونه

بلبل سر دنه چه چه ره سرِ دار
دنه خور برار بموعه بهار

بهاره زندگی تا نیّه خزون
برار قدرِ شه جوونی ره بدون

دِ روز ِِ زندگی برار بواشیم
عاشق بوویم دهی ره یار بواشیم

فیس و اِفاده ره کنار بشندیم
خاره تیم ره در این تیم جار بشندیم

تا توندی شه رفقِ دسّ بعیر
تِسّه تب هاکِرده وِنِسّه بمیر

قهر و غضب ره بشن اتّا کنار
مه جه بشنو برو هاکن خاره کار

صفا ارزون نروش خِد ره به نامرد
مرام بعیر مثل اتّا جوانمرد

شاعر قاسم جناتیان قادیکلایی