خاطات تلخ زینب
◼️◼️◼️◼️◼️◼️♣️♣️♣️♣️♣️✔️✔️✔️
مدینه ناله جانسوز زهرا /مه یاد نشونه
گته راحت هاکن خدا ز دنیا/مه یادنشونه
دشمن بمو پی یره دس دوسّا /مه یاد نشونه
خنه تش بزو دوّمیه بیحیا/مه یاد نشونه
ای خدا/مه یادنشونه
کربلا/ مه یاد نشونه
/////
نصفه شو تشییع پیکر زهرا /مه یاد نشونه
بدیمه غریبیعه جانه بابا / مه یاد نشونه
درد دل گته وه سره اشته چاه /مه یاد نشونه
بشکندینه مردم اون عهد و وفا/مه یاد نشونه
ای خدا/مه یاد نشونه
کربلاا/ مه یاد نشونه
///////
خنه نشینیعه مه مظلوم بابا /مه یاد نشونه
بیست سال بدیعه وه اون رنج وبلا/مه یاد نشونه
دشمنون کشینه خله نقشه ها /مه یاد نشونه
ونه تحمل و اون صبر و وفا /مه یاد نشونه
ای خدا /مه یاد نشونه
کربلا/مه یاد نشونه
//////
شویِ شهادته مه مظلوم بابا /مه یاد نشونه
جبرئیل امین سر هدا صدا/مه یاد نشونه
بهوته که مولا بهیعه فدا /مه یاد نشونه
پی یر دله محراب زوئه دست وپا /مه یاد نشونه
کر بلا/مه یاد نشونه
بدیمه من جفا /مه یاد نشونه
////////
ماجرای جانه برار مجتبی/مه یاد نشونه
پاره پاره دل بیه زهر جفا/مه یاد نشونه
جنازه بخرده تیر اشقیا/مه یاد نشونه
کنار حریم رسول خدا /مه یاد نشونه
ای خدا/مه یاد نشونه
کربلا /مه یاد نشونه
///////
روز عاشورا ودشت کربلا/مه یاد نشونه
شهادت برار وهم برارزا /مه یادنشونه
هفتاد ودوتا لاله سرجدا/مه یاد نشونه
خنده ظالم واشک یتیما/مه یاد نشونه
ای خدا/مه یاد نشونه
کربلا /مه یاد نشونه
////
شمره دون بَوْریعه سر ره از قفا/مه یاد نشونه
قرآن بخونسّه سر نیزه ٔ بالا/مه یادذنشونه
بهوته جانه خاخر نکن ته غوغا/مه یاد نشونه
من بیمه فدای دین و شه خدا/مه یاد نشونه
ای خدا /مه یاد نشونه
کربلا /مه یاد نشونه
/////
من واسیری بوردن شهرها /مه یاد نشونه
سر بالای نیزه سونه اسرا ا/مه یاد نشونه
اماره خرابه بهیعه مأوا /مه یاد نشونه
رقیه مه کشه چه زار جان هدا/مه یاد نشونه
ای خدا /مه یاد نشونه
کربلا/مه یاد نشونه
شاعر قاسم جناتیان تقدیم به برادرم عباسپور
