زهرا///


مدینه گوش  هاده داغه دلها ره
سیلی بزو دشمن روی زهرا ره
مدینه مه خنه دیگر نارنه سو
علی یه روز روشن بهیه شو
مدینه مه زینب نالنه زار زار
گهی نصفه ء شو ره وه بونه بیدار
گنه بابا کوهه مه مظلومه مار
مه دل تنگ بهیه نهیرنه قرار
بسوته دل حسین با ناله وآه
درو دیوار ره زارزار کنده نگاه
مدینه من بیمه تنهای تنها
دشمن بکشته مه مظلومه زهرا
وصیت هاکرده مثل غریبون
شو مره غسل هاده مولا علی جان
مدینه مه زهرا دلخون بمرده
هیجده ساله جوون مظلوم بمرده
مردمه مدینه جفا هاکردنه
خله خون در دله زهرا هاکردنه
بسوته در وسه سر هاده سخن
بشکسه پهلو و بمرده محسن
چنده مظلوم بیه شکوه نکرده
مره حالی از این غصه نکرده
مدینه مه دله داغ نبونه کم
ندارمه غمخوار و بهووه مرحم


قاسم جناتیان قادیکلایی