زینب با مادرش در عالم خواب/کاربرد در تعزیه
➖➖➖➖➖➖✔️
هنیش مه ور بهووم سرِ بلا/توسه من بمیرم
فلک مه سر چنده بیارده جفا/،،،،،
جان مار مه دل بخرده شراره/.،،
پی یر سر بدیمه پاره پاره/،،،،
محراب عبادت بزّو دس وپا/،،،
فزت ورب الکعبه ره سرهدا/
بعد از اون بدیمه مرگ مجتبا/خواخر بهووه فدا
مسموم کین بیه از زهر جفا/،،،
ته نور دیده تیر بارون بهیعه/
چنین ظلمی دنیا هیچکس ندیعه/
اتی لس هاده بووم از کربلا/
کربلا امه سر بموعه بلا/
بکشته امه رعنا جوانون/
قاسم و اکبرو عباس پهلوون/
اتا روز هفتاد ودِ داغ بدیمه/جان مار پیر بهیمه
کربلا من بسوته باغ بدیمه/
مه چش برار بهینه پرپر/
ماربمیره منه هر دِ تا پسر/
بدیمه صد پاره مه برارِ تن/
زیر خنجر مه جه بهوته سخن/
بته خاخر بور خیمه بهیر قرار/
مه سر ره ورینده شمر جفا کار/
تشنا لب برارِ سر ببیّه جدا
خنجر بوسه گاه جه هاکرده حیا/
تموم خیمه گاه بهیعه غارت/
اسیر وار ام بوردمی اسارت/
جان مار کوچه وبازار بدیمه/
مجلس شراب و قمار بدیمه/
خرابه کنار امه جا بهیعه/
برار زا رقیه فدا بهیعه

شاعر قاسم جناتیان قادیکلایی تقدیم
به حاج نادر یوسفی