اشعار

✔️✔️✔️✔️❤️❤️🌷🌷🌷🌷🌷❤️❤️❤️❤️♣️♣️♣️

زینبمه چنده بلا بدیمه
داغ شنه جانه بابا بدیمه
ونه سر از شمشیر دِتا بدیمه
مسجد کوفه قتله گاه بدیمه
زینبمه بووم سَرِ بلاره
برار حسن من ت‍ِنِه ماجراره
ته رز رز بیّه جیگره بلاره
سم هدانه امام مجتبی ره
زینمبه بوردمه تا کربلا
من از مدینه شه براره همرا
چه کربلا بهیعه ماتم سرا
جانِ برارون همه بینه فدا
من کربلا انده بلا بدیمه
من شه حسین ره سرجدا بدیمه
عباس دتا دس رها بدیمه
اکبرِ فرق ره من دِتا بدبمه
کربلا زینب ره ته پیر هاکردی
دست دشمن مره اسیر هاکردی
داغ برار مه دل ره تیر هاکردی
رنج وبلا مره در گیر هاکردی
داغ برار وبرارزا یکطرف
داغ دِتا جوون ریکا یکطرف
سرِ برار له نیزه ها یکطرف
مجلس یزید دغا یکطرف
خدا من خرابه نشین بهیمه
مرگ سه ساله دل غمین بهیمه
دیگه تا عمر دارمه حزین بهیمه
داغ برار خنه نشین بهیمه
بشکسّمه پیر بهیمه این دیار
بعدِ برار دیگر ندارمه قرار
شام بلا دره بونه آشکار
مرگ ره برِسّن حضرتِ کردگار.

شاعر
قاسم جناتیان قادیکلایی

اکبرِ فرقِ من دِ تا بدیمه