شهیدان دفاع ومدافع حرم
تقدیم به برادر اکبر نژاد

//////////////🌷🌷🌷🌷🌷🌷🌷🌷🌷✔️✔️✔️✔️
مه دل خوانه سر هادم شه صداره
بووم یاره غرقه خون وفاره
بخونم غربت وزاریعه یارون
غم وهجر وفراق شه برارون
هشت سال دفاع اماره یاد نشونه
شمه وفا اماره یاد نشونه
اون زحمتها اماره یاد نشونه
بَیْنی فدا اِماره یاد نشونه
حاج حسین داشتمی که شیر بیعه
شه فامیلیِ جور بصیر بیعه
چنده خارو مهربون بیعه برار
بی ریا وپهلوون بیعه برار
شه خونِ جه دین یاری هاکرده
وطن ره خارک پاسداری هاکرده
من وته اگه راحتی دارمبی
چنده خاره امنیتی دارمبی
همه غز خون این شهیدون هسه
خاک ایران همه لاله گون هسه
دشمن هر روز اتا جور حیله دارنه
خله مره سمی شه پیله دارنه
اما ونه خله هوشیا بواشیم
آقا سید علیِ بواشیم
امروزِ جنگ برار نیابتیعه
آسوک بووم سعودی ،داعشیعه
رزمنده گان غیرت بلاره
وشونه رزم وهمت بلاره
حرم ره پاسدار،ازجان بهینه
مدافع راه قرآن بهینه
جنوده شیطون هم هم عهد بهینه
امه رزمنده سه نقشه دچینه
برارون شالیکار وعابدینی
کشته بینه به دس مشرکینی
خان طومان شمه قتله گاه بهیعه
شمه جانه شیرین فدا بهیعه
مازندرون اون روز بهیعه غوغا
سیزده تا لاله بورده دس بالا
اتا گته تنه ننا بمیره
ماراینجوری تنه عزا نیره
اتا صدا زوئه شن باباره
تابوت خالی ره کرده اشاره
امه دل هم کهو بهیعه برار
روز روشن هم شو بهیعه برار
قسم خرْمی شه لب ایارمی سخن
انتقام گیرمبی از شمه دشمن


شاعر قاسم جناتیان قادیکلایی